TUGUEGARAO CITY-Nabigaran y takki na tadday nga pulis ta kabalin nga ma aksidente turi naputukan na yaw gamit y palattuk.
Kinagi ni Police Chief Inspector Eugenio Malillin, hepe na PNP Lallo,ta storya ni PO1 Eric Laforga,napputuk kanu y 9mm pistol na turi ikwa na yaw ta rig holster na.
Namwan nga nellaw y pulis turi makwa y insidente.
Fera taw ay nabigaran gapa y tadday nga negosyante ta kabalin nga maaksidente nga napputuk y palattuk na.
Ngamme kinagi ni Police Senior Inspector Joefferson Gannaban, hepe na PNP Peñablanca,Cagayan nga maddaggunan da nga imbestigan ta kabalin nga ari da nereport ta PNP y nakagi nga
insidente.
Ta pangivu da ta biktima nga si Sonny Tuliao Jr. ta ospital,nagerenuman ira turi napputuk y palattuk na.
Turi angyanan na pulis ira y lugar nu sitaw nakwanan na insidente ta Brngy. Agugaddan ay napakarenwan ngana yaw anna ari ngana matafulan y palattuk.
Fera taw kinagi ni Gannaban nga ari nga registered gun owner y biktima.
Megafu taw ay iprepara da ngana y legal action kontra ta nakagi nga negosyante megafu ta posible nga ari nga rehistrado nga palattuk na.
