Pulis natay ta head-on collision na motorsiklo anna tadday nga takay ta Cagayan

TUGUEGARAO CITY-Natay y tadday nga pulis ta kabalin nga maaksidente ta ili na Allacapan, Cagayan.

Y biktima ay si Po3 Cesar Ponciano 37, nga nakadestino ta PNP Pamplona Police Station.

Base kanni PSI Efren Tangonan, hepe na PNP Allacapan , dalanan ni Ponciano brgy labben takay y motorsiklo na turi gavva nga makadompar na y tadday nga takay nga manehuwan ni Ronald Jessmon Ranjo, 22, Agriculturist .

Megafu taw ay natomba y biktima yatun ta nabigaran y baggi na.

Insigida nga nekarela ta ospital si Ponciano ngamme nedeklara nga dead-on -arrival ngana yaw.

Namwan nga nabasa y dalan turi makwa y insidente megafu ta naguran.

Ssangaw ay igga ngana ta kustudiya na kapulisan si Ranjo kunne gapa y takay na.