TUGUEGARAO CITY-Binubbog anna ina da y palattuk na tadday nga pulis na appa nga lallaki ta kabalin nga ivuya na ira yaw megafu ta ari makasta nga ammaneho da ta motorsiklo ta ili na
Gonzaga, Cagayan.
Kinagi ni Police Chief Inspector Jayson Cabauatan, hepe na PNP-Gonzaga, tuntunugan ni PO1 Mac Nair Villarao y duwa nga motorsiklo nga nattakayan na appa nga lallaki turi masita na nga
nga magabuso ira ta ammaneho da.
Megafu taw ay sinita ni Villarao y appa ngamme pinakarela da y motorsiklo da.
Nakiltu laman y biktima turi abangan iyya na appa anna binugbog yaw anna ina da y palattuk na nga calibre 45.
Nakilala gapa ni Villarao y tadday ta suspek nga si Rodel Sebastian na Villa Leonora ,Buguey nga sangaw ay tafulan na pulis ira kunne gapa y tallu nga karavulu na.
Fera taw ay mappamapiya ngana y biktima ta ospital megafu ta igga biag na yaw turi bubbugan da iyya.
