Pulis,iniligtas ng kanyang bullet proof vest sa pamamaril ng mga carnappers sa Cagayan

TUGUEGARAO CITY-Nagpasalamat ang isang pulis matapos siyang makaligtas mula sa pamamaril ng mga carnappers dahil sa kanyang suot na bullet vest.

Sinabi ni Police Staff Sgt.Jomar Esperanza ng PNP Solana,Cagayan agad silang nagsagawa ng operasyon matapos idulog sa kanila ng isang lalaki na tinangay ng dalawang lalaki ang kanyang motorsiklo.

Nang makita ang dalawang suspek at habang nilalapitan ay nagpaputok umano ang mga suspek kung saan tinamaan siya ng dalawang beses sa dibdib.

Sinabi niya na mabilis naman na gumanti ng putok ang kanyang kasama kaya napatay ang isang suspek habang nakatakas ang kanyang kasama.

Nakuha sa suspek ang ang calibre .38 at mga bala at isang sachet ng pinaniwalaang marijuana.