Pulis,natay ta pamalattuk na riding-in tandem suspects ta Cagayan

TUGUEGARAO CITY-Imbestigan ngana na PNP y pamalattuk natay ta tadday nga pulis nga si PO3 Michael Alvarez,37 anyos ta ili na Tuao,Cagayan.

Nabigaran gapa y kofun na yaw nga si Ronald Santos.

Kinagi ni Police Chief Inspector Reymund Asistores,hepe na PNP Tuao maddaggun nga mangan ta pansiteria y duwa turi igga duwa nga lalaki nga ninay tari takay ta tadday nga motorsiklo.

Nakkadda y tadday nga suspek anna pinalapalattugan da y pulis nga nakanna y furente na anna y karalong na.

Nanaffu y tadday nga bala nga nekanna ta tumang na kofun na.

Ari kanu namukatan na nakasita y suspek ira megafu ta natakkaban y muka da.

Namwan nga y pulis ay naasign ta PNP Taguig nga taga Rizal,Cagayan.