TUGUEGARAO CITY-Kinagi na Office of the Civil Defense (OCD) Region 2 nga memahug y biyahe na bebbetut nga barangay ta kayan na Cagayan megafu ta badju nga Gorio.
Ta interview na Bombo Radyo,kinagi ni Francis Joseph Reyes, information officer na OCD Region 2 nga ari nakkansela y biyahe na barangay y Philippine Coast ta ili na Aparri, Cagayan megafu ta awan tu warning signal ta probinsya.
Kunnatunman ay posible nga igga daraddakal nga palung ta kayan nga sakup na Cagayan.
Olu taw, inalerto anna igga emergency meeting y Regional Disaster Risk Reduction and Management Council o RDRRMC tapenu mapprepara ta posible nga epekto ni Gorio.
Neatannang gapa ta Blue alert status y interu nga Region 2 megafu ta badju.
Kanselado gapa y flight ta Tuguegarao anna Maynila nga mappange ta Batanes nga igga badju na.
