Tinanggap ni retired Supreme Court Senior Associate Justice Antonio Carpio ang hamon ni Senator Rodante Marcoleta na debate, na magtatakda ng lugar para sa mahalagang public education sa soberenya ng bansa at maritime security.
Una rito, inimbitahan ni Philippine Coast Guard (PCG) spokesperson Commodore Jay Tarriela si Marcoleta na sumama sa domain awareness flight sa Kalayaan Island Group (KIG).
Sumagot naman si Marcoleta na bago pumunta sa KIG, gusto niyang magkaroon ng friendly debate kay Tarriela, kasama si Carpio at University of the Philippines Institute for Maritime Affairs and Law of the Sea director Jay Batongbacal.
Si Carpio ay kilalang advocate ng Philippine sovereign rights sa South China Sea at isa sa pangunahing architect ng panalo ng bansa sa The Hague, Netherlands.
Naglatag din si Carpio ng agenda sa friendly debate:
1.Is there legally a West Philippine Sea?
2.If yes, are the maritime features of the Kalayaan Island Group part of the West Philippine Sea?
Ang hamon ay kasunod ng matagal nang talakayan sa 2016 Arbitral award na nagbabasura sa claim ng China sa West Philippine Sea.
