TUGUEGARAO CITY- Madduda ya PNP kanyo nekkahi ya dwa nga pahinante kan truck nga biktima ra kanu kan robbery hold up kan Gattaran Cagayan.
Nekahi i Police Chief Inspector Rodel Tabulog,hepe ya PNP Gattaran nga mattaka iggina nu kaam ta nemmang ya truck kan alanganin nga lugar nga awan na light na.
Gafu tyaw e duda da kanyo nekahi ya pahinante ira nga da i Federico Garcia entre Roy Villanueva nga nemmang da kanu tapenu innan da ya pilig ya truck.
Kanyaw kanu pay nga nallatwag ya dwa nga lalaki nga nanutok kan palattug entre vinukatan da ya tool box nga nangikwan da kan kwartu nga nallakwan da kan irik nga P500,000.
Mattaka i Tabulog ta grabe ya bakka ne salamin ne truck yan ta magangwa da kan malaliman nga imbestigasyon kanyaw.
Namwan nga ya truck e nagafu kan Isabela nga palubbet zinan nin kan Aparri.
