Kinumpirma ng isang opisyal mula sa Office of the Ombudsman na totoo at beripikado ang mga Statement of Assets, Liabilities, and Net Worth (SALN) ni Vice President Sara Duterte mula 2007 hanggang 2024, na isinumite sa House of Representatives para sa impeachment proceedings.
Ayon kay Atty. Karen Batu, ang mga SALN noong 2007–2012 ay kinuha mula sa kanilang regional office sa Mindanao dahil ito ang panahon na si Duterte ay nagsilbi bilang vice mayor at mayor ng Davao City.
Kinumpirma niya na ang mga dokumento ay “true copies” ng opisyal na SALN.
Batay sa SALN, lumago ang new worth ni Duterte sa P88.51 million mula sa P7.25 million noong 2007.
Ibig sabihin, may malaking pagtaas sa kanyang net worth sa loob ng mga taon.
Ayon kay Rep. Terry Ridon, kung ihahambing mula 2007 hanggang 2024, umabot ito sa mahigit 1,100% na pagtaas.
Mahalaga ang datos na ito dahil isa sa mga pangunahing alegasyon laban kay Duterte ay ang pagkakaroon ng “unexplained wealth” at umano’y hindi kumpletong pagdedeklara ng kanyang mga ari-arian.
Kabilang sa mga inimbitahan sa hearing:
Anti-Money Laundering Council – para sa mga kahina-hinalang transaksyon
Securities and Exchange Commission – para sa records ng mga kumpanyang may kaugnayan kina Duterte at Manases Carpio
Antonio Trillanes IV – para magpresenta ng ebidensya sa umano’y nakatagong yaman
Ayon kay Rep.Gerville Luistro, may isa pang hearing sa Abril 29, kung saan tatalakayin naman ang ibang isyu, kabilang ang umano’y mga banta ni Duterte laban kina Pangulong Ferdinand Marcos Jr., First Lady Liza Araneta Marcos, at dating House Speaker Romualdez.
Sa kabuuan, nakatuon ang kasalukuyang mga pagdinig sa pagsusuri kung may sapat bang ebidensya para patunayan ang mga alegasyon laban sa bise presidente.
