TUGUEGARAO CITY- Kayat ya isa nga manak nga makaswan ya mestru ya anak na nga nappakamatay kan Alcala,Cagayan kattu March 14,2018.
Mangurug i Manang Mela Sergia nga liwat ya mestru nga i Mark Anthony Cabison yan ta nappakamaty ya anak na nga i Ronnel,18 anyos.
Makatangit nga nekahi i manang kan Bombo Radyo naga pinasiranan ya mestru ya anak na kan atubang ya kakalase na ira nga mari kanu iggina nga makabalin kan senior highschool kasi mari kanu peba nga kumpletu ya paga na kan iskwela.
Lige na yaw nekahi i Manang nga makikergo hin mabit iggina kanyaw nga mestru nga pagan da la saw ne balance ya anak nan nu inyan saw kwartu dan.
Ngem nattoli kan ne abbing na kan balay da ngem nadatanggan nan nga nakabesin igginan kan kusina dan.
Nekahi na peba nga kattu vukatan da ya celphone na e nasingan da kan peba ya text na kan isa nga kaklase na entre ne mestru na.
Netext na kan ya mestru na nga matakit para ki iggina nga mari makabalin kasi kallattan na ya mama na entre inyan peba message na nga mappappakammu.
Mangurug ya ina na nga mari kwan ya anak na nga mappakamatay nu mari nga pinasiranan ya mestru na.
