TUGUEGARAO CITY-Nappoffun ta Bombo Radyo y paryentes na tadday nga suddalo nga nakadestino ta 86th Infantry Battalion Jones, Isabela nga tangavulan kanu ngana nga nawawan yaw.
Base kanni Joycel Banigan,kapitta na nawawan nga suddalo nga si Ruben Salimbay anna inteligence officer na 86th IB, naporyan nga nakergo da y suddalo turi July 14,2017.
Olu gapa ngana nga naranni y paryentes na yaw ta salamangkero nu anni ina da anna neggalu ira na karavulu na nga intel officer.
Megafu taw ay ninay y paryentes na biktima ta nakagi nga battalion anna nappromeso ira nga magangwa ira tu imbestigasyon.
Namwan gapa ta kapitta na suddalo nga igga dala na nga dakal nga kuwartu megafu ta kalalawan laman yaw tu loan na anna nangafu ta tukil.
Megafu taw ay manguruk ira nga kinokotan da anna pinatay da y suddalu.
