TUGUEGARAO CITY – Nakafuku y driver na trailer truck nga bumangga ta tadday nga balay ta Brgy. Baretbet, Nueva Vizcaya nga naresulta ta pappatay na tadday nga indibidual.
Kinagi ni PO3 Jayson Naval, imbestigador na PNP Bagabag, kaso nga reckless imprudence resulting to homicide, physical injury and damage to property y nekaso kontra kanni Bernard Fontanilla Jr. na Brgy. Del Pilar, Cabatuan, Isabela.
Ta interview na Bombo Radyo Tuguegarao, dead on the spot si Joan Mendez turi mabangga anna ninay ta gannung na trailer truck turi mawwalis ta arubayan da.
Nabigaran gapa y ulo na makakwa na balay nga si Lilia Gonzales turi kannan na debris y zizzing na balay da megafu ta sikan na karela na takay.
Fera ta driver,nabigaran gapa y pahinante na nga si Jonathan Acosta.
