TUGUEGARAO CITY-Natay y tadday nga lalaki habang nabigaran y tallu nga paryentes na yaw turi banggan na truck y nattakayan da nga kuliglig ta ili na Iguig, Cagayan.
Base kanni PO2 Antonie Pamittan, imbestigador na kaso,makadaldalan y kuliglig nga nattakayan na biktima nga si Joselito Centeno kavulu na y paryentes na ira ta Brgy Baculud takay ta kuliglig turi banggan ira na truck.
Megafu taw ay newaki y appa anna nabigaran ira,megafu ta karu na biag ni Centeno ay nedeklara nga dead-on-arrival.
Amung na yaw kinagi na suspek nga si Noel Tagumasi 53-anyos,residente na Cauyan Isabela ,ari na napansin y tuntunugan na nga kuliglig megafu ta kawan na reflector na yatun ta nabangga na.
Fera taw ay malaya y suspek ta kabalin na reglementary period of detention.
