TUGUEGARAO CITY-Makasowan y tadday nga city councilor taw ta Tuguegarao megafu kinulletan na kanu y tadday nga empleado na Mall taw ta syudad nu mapakurugan nga fermi nga iningwa yaw na opisyal.
Olu taw narreklamo ta Bombo Radyo si Marites Masirag magana na ari nanaganan nga empleyado .
Kinagi na nga kinergo na ana na si City Councilor Gilbert Labang kavulu na ana na anna bodyguard para marregister liye nga mattallung ta stall.
Ngamme nepilit ni labang nga mattallung yatun ta kinulletan na y empleyado ta arubang na karu na tolay.
Ekspektan gapa ni Marites nga mappakoma ta ana na.
Fera taw kinagi ni Labang nga ari na binastos y empleyado.
Kinagi na nga y ana na anna y body guard na y kinullettan na megafu ta makulit y ana na nga ikaya na y magali ta taday nga lamesa ta unak na stall.
