TUGUEGARAO CITY-Naggugulu y pasyente na Divine Mercy Wellness Center taw ta Tuguegarao City megafu ta assabog na oxygen tank anna natuggi y stock room.
Insigidad nga nelawan na bantay na pasyente ira turi mamwanan da nga natuggi y stock room na oxygen tank na ospital.
Ta interview na Bombo Radyo ta nakasita,nakaginna ira ta putuk,katunuk na nakannak nga atuk nga naggafu ta imbakan na tangke na oxygen.
Netaggu gapa nga kinarekay na elecrician y stock room tapenu patayan na y afi gamit y fire extinguisher liye nga nakakadde y Bureau of Fire protection.
Insigida gapa nga ninay y Bureau of Fire Protection (BFP) Tuguegarao anna napatay y afi.
Megafu taw ay netallung da uli y pasyente fera laman ta igga tu Intensive Care Unit o ICU na ospital nga insigida nga neali ta tanakwan nga ospital ta uffun na Rescue 1111 na Tuguegarao.
Kinagi ni senior fire officer 1 ruberto de leon na BFP Tuguegarao imbestigan na ahensiya nu anni fermi naggafanan na afi.
Pero kinagi ni Rey Renoso, electrical maintenance na ospital,tadday kanu nga oxygen tank y sumabog nga gafu na afi.
