TUGUEGARAO CITY-Natay y tadday nga miyembro na Maddela Police Station ta Quirino Province ta kabalin nga tallungan kanu ira na 100 nga New Peoples Army (NPA).
Ta pakiergo na Bombo Radyo Tuguegarao kanni 1st lt. James Carl Teaño na 86th Infantry Battalion, nakillaban kanu y miembro na PNP ta rebelde nga grupo anna taw nga napuruhan y tadday nga pulis nga gafu na insigida na nga pappatay na.
Kinagi na nga 10;30 kagabi turi tallungan na rebelde nga grupo y nakagi nga police station.
Fera taw kinagi ni Teaño nga ina na rebelde nga grupo y armas.
Insigida nga narekober y mobile patrol nga olu nga ina na rebelde nga grupo, ta kabalin nga magangwa y suddalu ta follow-up operation.
Sangaw ay tuluy y security operation na 86th infantry battalion tapenu masigurado nga mearayyu ta disgrasya y residente ira ta nakagi nga lugar.
