Tuguegarao City-Natay y tadday nga tricycle driver ta kabalin nga maddompar y nattakayan da nga tricycle anna y tadday nga trailer truck ta ili na Gonzaga, Cagayan.
Y biktima ay si Jeford miranda, 32-anyos anna residente na brgy Miranda ta parehu nga ili.
Base ta imbestigasyon na pulisya, dalanan ni Miranda y brgy Sta Cruz nga nakatakay ta tricycle na kavulu na y duwa nga kofun na nga ira da jeremy magno,20-anyos anna Angelito dasalia ,41-anyos nga parehu nga residente na Miranda.
Taw gavva nga nadompar y tricycle anna y ka aba na nga trailer truck.
Megafu taw ay nabigaran y biktima nga gafu na pappatay na anna igga gapa ta ospital y duwa paga.
Sangaw ay tafulan paga na otoridad y driver na trailer truck megafu ta nattammang ta kabalin nga insidente.
Sangaw ay tammi ngana na PNP Gonzaga y takay ira nga sangkot ta insidente.
