TUGUEGARAO CITY-Binawi kanu na tadday ta duwa nga nga maginganay nga olu nga nangikagi nga ira ay kanayun nga minolestiya ta ili na Gattaran,Cagayan y istorya na asunto ta iningwa da ta unak na lima nga aggaw nga kawawan da.
Kinagi ni Police Senior Inspector Rodel Tabulog,hepe na PNP Gattaran,kinagi na 14 anyos nga maginganay nga finirman na y istorya na nga boluntary da nga nevulu ta kofun da nga lalaki nga nattakay ta tricycle anna naffuku ta tadday nga balay ta lima nga aggaw.
Istorya na paga nga kada makkul y familya na maginganay ay takkabban da kanu y bibig da ta mappanggap ira ta akkul nga alle pazziyatan da ira.
Kinagi paga ni Tabulog nga tammi na paga y tadday nga video nga nala na tadday nga celphone nga kavulu na tadday nga lalaki y maginganay y iningwa da ta lima nga aggaw ta unak na balay.
Fera taw ay imbestigan na PNP y nakagi nga insidente megafu ta olu nga nereport nga ira ay dinukut kunne gapa ta tadday nga mainakkatta nga nangikagi nu sitaw y biktima.
