Tadday ta nakapasa ta 2016 Bar Exams, nanga ta abogasya tapenu mala na u hustisya ta pinappatay da ta yena na

Tuguegarao City-Ari manguruk si Ed Armand Ventolero, 25 anyos nga residente na Brgy Bagay Tuguegarao City ng makasali iyya ta makapasa ta 2016 BAR examination.

Ta pakiergo na Bombo Radyo kanni Ventolero kinagi na nga pasado alas diyes turi umma ay naddasal nga pare nakwan ay makapasa iya.

Emosyonal gapa iyya turi mamwan na nga nakapasa iyya ta BAR exam.

Base kanni Ventolero na nanga iyya ta abogasya tapenu mala na y hustisya na pagkamatay na yena na.

Natay y yena ni Ventolero turi abbing paga iyya ta kabalin nga tallungan na akkoko y apartment da ta Manila anna dinudduk da yaw.

Y yena na y inspirasyon na tapenu mala na y titulu na anna para ta familya na.