TUGUEGARAO CITY – Makikordina ngana y otoridad ta familya na tallu nga drug suspects nga napatay ta kabalin nga makilaban ta drug buybust operation ta ili na Alcala, Cagayan.
Kinilala ni PCI Ramon Macarubbo, hepe na PNP Alcala y suspek ira nga ira da Hasim Cali, residente ta Angeles City, Pampanga, Asnali Datu, residente ta Quezon City anna tadday paga nga ari nakilala nga lalaki.
Base kanni Macarubbo, iningwa da y buybust operation kavulu da y Philippine Drug Enforcement Agency (PDEA) RO2 kontra ta suspek ira ta Brgy. Tupang.
Nagergo y asset nga miyembro na PDEA anna y suspek ta balor nga P16,000 para ta 2.5 nga gramo na shabu.
Ngamme pinutukan kanu ira na suspek turi mappange y arresting team turi mabalin y ransaksyon nga gafu nga nappaputuk gapa y operatiba.
Fera ta 2.5 grms nga droga ay nakarekober paga y PNP SOCO team na 50 grms nga shabu, duwa nga.38 revolver nga igga pitu nga bala na anna tadday nga toyota vios.
Igga sangaw ngana ta punenarya taw ta syudada y baggi na tallu nga suspek nga mapakarugan nga muslim ira.
