TUGUEGARAO CITY – Tallu nga mesesira y nawawan ta kabalin nga napalakak y nattakayan da nga barangay ta ili na Sta. Ana, Cagayan.
Y nawawan nga mappareyentes ira ay ira da Marlon Villanueva, Clifford Jhon Misador anna Virgilio Raquinio Jr. nga parehu nga residente na Brgy. Palauig, Sta. Ana.
Ta interview na Bombo Radyo ta wagi ni Villanueva nga si Marites , ninay da ta kayan turi alas dos na albasu tapenu manga ta manangat ngamme ari da na nanoli.
Kinagi ni Villanueva, nasita na karavulu da nga masesira nga napalakak y nattakayan da nga barangay ngamme ari da maranyan megafu ta nasikan y palung anna ari nakasta y tiyempo na.
Megafu taw ay makkiddaw y uffun na familya Villanueva tapenu matafulan y nawawan nga paryentes da.
-- ADVERTISEMENT --
