Tallu nga miembro na local drug groups ta Cagayan,nagafu ta drug buy bust operation

TUGUEGARAO CITY- Iprepara ngana na Philippine Drug Enforcement Agency Region 2 y kaso na tallu nga nagafu ta illegal drug buy bust operation.

Kinagi ni Louella Tomas ng PDEA,olu nga nagafu si Napoleon Co Licuanan,64 anyos,high value target anna miembro kanu na local drug groups ta Ballesteros,Cagayan.

Nala nissa y tadday nga sachet na shabu.

Tumunuk nga nagafu ta muslim compound ta Tuguegarao City da Ysouf Cosain,29 anyos anna Shohee Querobin,24 anyos.

Nala nira y duwa nga sachet na shabu.

Kinagi ni Tomas nga miembro y duwa ta local drug group ta Tuguegarao.

Ngamme kintontra yaw ni Tomas nga kajan nga miyembro ira ta local drug groups tapenu ari nga mabulilyaso y tumunuk nga operasyon da.