TUGUEGARAO CITY- Awan tu tallung sangaw nga aggaw ta preschool adde ta senior high school ta public anna private schools ta Cagayan megafu ta badju nga “Kiko”.
Idineklara ni Govenor Manuel Mamba y suspension na klase base gapa ta rekomendasyon na Provincial Climate Change-Disaster Risk Reduction and Management Office para ta seguridad na maggigyammu ira.
Kinajanan da gapa ngana y residente nga igga ta low lying areas nga magalerto ira ta posible nga paddakal na danum o paddarossak na davvun.
Nebawal da gapa ngana nga umay ta kayan y mesesira ira kunne gapa ta mabbiyahe ira ta kayan.
