TUGUEGARAO CITY – Maturu nga P4 milyon y balor na nadaral nga natuggi nga tanker truck habang makargan ta gasolina ta ili na Lal-lo.
Kinagi ni FO1 Bonmark Jumaranta na Bureau of Fire Protection (BFP) Lal-lo,maddaggunan da nga kargan ta gasolina y nakagi nga tanker truck gamit y tadday nga portable pump ta tadday nga gasolinahan turi gavva nga nalazzok y afi ta makina na truck.
Ari gapa nga nakurak na driver nga si Manolito Dolores, 43-anyos nga patayan y afi nu anni na1st degree burn y lima anna takki na.
Ta inisyal nga imbestigasyon na BFP, posible nga napatu y makina na truck megafu ta high octane y kargan na nga gasolina yatun ta nalazzok y afi.
Namwan nga y arubang laman na tanker truck y natuggi megafu ta insigida nga naagapan na BFP y afi nga posible nga massabog ta nekarga da nga gasolina.
