Sinabi ni US President Donald Trump na posible pa ring magpatuloy o ipagpatuloy ng United States ang pag-atake sa Iran kung sakaling magpakita ito ng maling kilos.
Ayon kay Trump, may mga ideya na tungkol sa posibleng kasunduan sa Iran pero hinihintay pa niya ang pinal na detalye bago magdesisyon. Dagdag niya, hindi pa siya kumbinsido sa mga panukala ng Iran at kulang pa raw ang “presyo” na binayaran nito sa mga ginawa.
Binalaan din niya na maaaring maibalik ang military action depende sa magiging galaw ng Iran, kahit mas gusto raw niya ang hindi dumaan sa digmaan.
Samantala, sinabi ng isang opisyal ng Iran na handa pa rin ang kanilang bansa para sa diplomasya, ngunit gusto rin nilang buksan muli ang Strait of Hormuz at alisin ang ilang parusa ng US bilang bahagi ng posibleng kasunduan.
Patuloy pa rin ang tensyon sa pagitan ng US at Iran habang wala pang pinal na kasunduan tungkol sa nuclear program at seguridad sa rehiyon.
