Kinoronahan bilang Miss Tuguegarao City 2019 ang tourism graduate na si Nastassia Euperio matapos mangibabaw sa labing-limang kandidata sa coronation night na ginanap sa Cagayan Coliseum.
Sa kanyang sagot sa Question and Answer portion sa pageant, sinabi ni Euperio na adbokasiya niya ang pagtataguyod sa pagpapalago ng turismo sa Tuguegarao City.
Sa panayam ng Bombo Radyo, sinabi ni Euperio na tututukan niya ang mga proyektong makatutulong upang maiangat ang kabuhayan sa komunidad.
Paliwanag niya na ang lungsod ay nagsisilbing “melting pot” o daanan ng mga turista papunta sa mga tourist spot sa kalapit na bayan o lalawigan dahilan upang gusto niyang magkaroon ng mga produktong wala pa sa Tuguegarao City.
Aminado naman si Euperio na nakaranas siya ng insecurities at pagdududa sa pagsali sa pageant ngunit sa halip na mawalan ng pag-asa, nanatili siyang matatag hanggang sa nahubog siya sa mga pagsasanay.
Samantala, 1st runner up naman si Priancess Katrina Mamauag habang 2nd runner up si Bernadette Baua.
Nasungkit naman ni Ma. Filipina Barba ang 3rd runner up at Llanarose Montilla ang 4th runner up.
