TUGUEGARAO CITY-Amwan paga na otoridad y balor na peke nga sigarilyo nga naharang anna nagafu nga ipuslit da nakwan taw ta Tuguegarao.
Kinilala ni PSI Alexander Tamang na PNP Tuguegarao y nagafu nga suspek nga si Edgar Mangada, 34-anyos, residente ta Brgy Annafunan West.
Ta imbestigasyon, naaktuwan na kapulisan y suspek nga mangikadda ta pick up truck na kargamento nga navukkutan ira ta sako.
Ta angimbistiga na pulisya ay nasita da y trenta nga daraddakal nga kahon na naduma duma nga brand na sigarilyo nga nga igga peke na nga tax stamps.
Kinagi gapa na suspek nga kukwa kanu na tadday nga Levy Villanueva na Brgy Ugac Sur y nakagi nga kargamento.
Kaso nga pangontra ta Intelectual Property Right y arubangan na suspek habang imbestigan da paga y sangot ira ta angipuslit da ta peke nga sigarilyo.
Makiergo gapa ngana y PNP ta BIR anna DTI para ta tanakwan paga nga kaso nga awuya na nga mekaso ta suspek ira.
