Itinakda ng Sandiganbayan ang paglilitis sa kasong graft ni dating senator Ramon Bong Revilla Jr. at anim na co-accused may kaugnayan sa umano’y P92.8 million flood control project sa Bulacan sa April 7.
Una rito, tinapos ng Sandiganbayan Fourth Division ang pre-trial ng kasong graft, ang proseso kung saan nagsumite ang prosecution at depensa ng listahan ng kani-kanilang mga testigo at documentary evidence.
Kabilang sa mga co-accused ni Revila ay sina:
former Department of Public Works and Highways (DPWH) Bulacan assistant district engineer Brice Hernandez
former DPWH engineer Jaypee Mendoza
former DPWH engineer Arjay Domasig
former DPWH engineer Emelita Juat
DPWH Bulacan First District Engineering Office finance section chief Juanito Mendoza, and
DPWH Bulacan First District Engineering Office cashier Christina Pineda
Naglagak si Revilla ng P90,000 na piyansa sa graft case, subalit nananatili siya sa kulungan sa New Quezon City Jail sa Payatas, Quezon City dahil isa rin siya sa mga akusado sa non-bailable na kasong malversation may kaugnayan sa proyekto sa Pandi, Bulacan.
Hindi pa naghahain si Revilla ng petition for bail sa Sandiganbayan Third Division na humahawak sa malversation case dahil may nakabinbin pa siyang motion for reinvestigation ng nasabing kaso sa Office of the Ombudsman.
