TUGUEGARAO CITY-Ari nga labbi payagana na lokal ng gobyerno na Nueva Vizcaya y mapasyar ta pinakadakal nga kuweba ta ili na Kasibu megafu ta nakwa nga engkwentro na militar anna New peoples army o NPA ganuri.
Kinajanan ni Governor Carlos Padilla y Provincial Disaster Risk Reduction Management Office anna Provincial Tourism Office nga mangipaskil ta advisory ta social media asunto ta problema ta peace and order situation ta nakagi nga ili nu sitaw masita y Capisaan cave.
Nekiddaw gapa ni Padilla ta opisyal na DPWH anna Provincial Engineering Office nga pakkayanan y private contractors nga iyimmang da labbi y kuwan da nga proyekto nga aranni ta hotspot area tapenu ari madamay ta operasyon na militar.
Matageno nga nappakat y militar ta combat operation kontra ta rebelde nga grupo ta kabalin na engkwentro nga narresulta ta pappatay na appa nga suddalu anna nabigaran y tadday paga.
Insigida gapa nga navvukal ta crisis management team y LGU kasibu tapenu meddan y mawak na residente nga nafektan ta operasyon na militar kontra ta rebelde.
