TUGUEGARAO CITY -Igga tiyansa na nga maoperan y dyes anyos nga abbing nga nadaganan na basketball ring ta syudad na Ilagan, Isabela.
Olu taw ay nakiddaw ta uffun ta Bombo Radyo si Erlinda Tabunan na Brgy Malalam, Ilagan City , Isabela para ta operasyon na ana na nga si Mateo Tabunan Jr.
Mabbalor ta P210,000 y stainless nga mawak na pasyente para ta nakattu nga spinal chord na nga nadaganan na ring na basketball turi December 15, 2017.
Insigida gapa nga inuffunan ira na Presidential Management Staff Cagayan para tapenu makaunonuk ira ta kuwartu.
Fera taw ay igga neddan na karwan nga indibidwal ta panawagan na yena na abbing.
Ta interview kanni Dr. Glenn Mathew Baggao, Medical Center Chief na Cagayan Valley Medical Center (CVMC) nu sitaw nga nakonfine y pasyente ta kabalin nga mamwan na y kondisyon na abbing.
Nalampawan gapa y magana na abbing megafu ta maopera ngana y ana na.
