TUGUEGARAO CITY- Neppaserra da ngammin ya videoke bar ira kan Lal-lo, Cagayan.
Megafu yawa kanyo pammalattuk nga neppatay ya matawa nga i Eugene entre Princess Javier pati ya maglive-in partner nga da i Ramsey entre Mikaela Javier kan bar kan Brgy. Magapit kattu kabi kan albasu.
Nekahi i Lallo Mayor Florante Pascual nga nilabag ya videoke bars ya kasunduan nga addet la hinan kan 11:00 kan gabi ya avvukat da entre dwa laman dapat ya waitress da kada isa nga videoke bar nga mari pede mellawan ya customer.
Isa tya ma singannan nga motibo ya PNP kanyo krimen nga megafu tya GRO nga nevulun kan customer ngem naggazzit kattu mari kayat ya babay nga mas-sex da.
Gafu tyaw, nattoli ne suspeka kanne bar nga inyan isa kavulun na nga lalaki addet kan tinallung da ya isa nga kwarto ya biktima ira nga pinalapalattugan da.
