TUGUEGARAO CITY-Pinalawan ngana na Crime Investigation and Detection Group ( CIDG ) y ngagan na 60 nga wanted ta Region 2 nga igga patung na ta ulu da nga igga liwa da nga heinous crime.
Ta makagi nga bilang ay 34 y taga Cagayan anna y pinakadakal nga patung ta ulu na ay P300,000 ay ira da Mauricio Quimero Pilot nga igga kaso da nga murder anna Cristopher Lim nga igga kaso da nga robbery with homicide.
Siyam gapa y taftafulan da ta Isabela anna Santiago City, 16 ta Nueva Vizcaya anna tadday ta Quirino.
Y wanted ira ay igga kaso da nga murder, murder with mulitiple homicide, robbery with homicide, rape , kidnapping anna serious illegal detention.
Umapela gapa y CIDG ta publiko nga kajan da ta otoridad nu sitaw y nakagi nga wanted ira.
-- ADVERTISEMENT --
