TUGUEGARAO CITY- Neangay ngana ta Manila y tulang nga pangurugan nga 1,000 years old nga nakokkok ta Brngy. San Pedro, Rizal,Kalinga.
Kinagi ni Myla Dipalog, tourism officer na Rizal nga innan da y tulang nga naggafu kanu ta bayawak,rhinoceros, elepante anna artifacts.
Kinagi ni Dipalog nga nu mamwan da y specie na tulang ay itoli da yaw ta excavating team nga neolu ni French Ambassador to the Philippine Thierry Mathou anna Philippine National Museum Director Jeremy Barns y nakagi nga tulang.
Kinokkok da y historical Elephant Hill,tadday ta kilala nga archeological research site ta nakagi nga lugar ta kabalin nga nakokkok y tulang na napolu nga rhinoceros turi 2014.
Kinagi paga ni Dipalog nga nappromeso si Mathou nga manoli ira ta lugar sonu umay nga ragun para ta makokkok mangngana anna magigyamwan da nu anniy talaga yaw nu igga pondo.
