TUGUEGARAO CITY-Huli ang dalawang enforcers ng Land Transportation Office (LTO)-Region 02 matapos mangikil sa Tuguegarao City.
Kinilala ang dalawang suspek na kapwa LTO- enforcers na sina Chiro Apattad ,45-anyos ,residente ng Barangay Camasi,Peñablanca at Darwin Isidro Pauig, 41-anyos ng Brgy. Alibagu, Enrile.
Ayon kay Plt. Franklin Cafirma, tagapagsalita ng PNP-Tuguegarao, sinita ang dalawang biktima na sina Donovan Divina 34-anyos ng las pinas at Bong bong Ignacio , 45-anyos ng cabanatuan city,Nueva Ecija dahil sa paggamit ng kolorum na truck van sa bayan ng Enrile.
Dahil dito, hiningan ng dalawang suspek ang mga biktima ng P30,000 para maresolba ang kanilang paglabag.
Nakiusap naman ang mga biktima na P20,000 ang kanilang paunang maibibigay kung saan napagkasunduan nila na dito sa lungsod ng Tuguegarao ang transaksyon.
Bago nakipagkita ang dalawang biktima sa mga suspek sa Brgy. Pengue Ruyu sa lungsod, nagtungo ang mga ito sa himpilan ng pulisya at personal na humingi ng tulong na sanhi ng pagkahuli ng dalawang LTO enforcers.
Sa ngayon, nasa kustodiya na ng PNP-Tuguegarao ang dalawang suspek at nahaharap kasong extortion.
