TUGUEGARAO CITY- Nadagdagan pa ang bilang ng nagpositibo sa coronavirus disease o COVID-19 sa lalawigan ng Cagayan.
Base sa huling datos ng mga lokal na pamahalaan sa lalawigan ay may 317 new cases kaya umabot na sa 3,385 ang bilang ng mga aktibong kaso.
Sa naturang bilang ng bagong nagpositibo, 189 dito ay nanggaling sa lungsod ng Tuguegarao kung saan umakyat na sa 1,912 ang active cases.
Tumaas naman ang bilang ng mga nakarecover na matapos maidagdag ang 344 na gumaling sa virus.
Nadagdagan naman ng 9 ang bilang ng nasawi sa lalawigan kung saan tatlo dito ay mula sa Solana, tig-dalawa sa Tuguegarao City at Sta. Teresita, at tig-isa naman sa Amulung at Baggao.
-- ADVERTISEMENT --
