TUGUEGARAO CITY- Natay y 5-anyos nga lalaki ta kabalin nga mafuku ta utun na natugggi nga balay na lola na ta Brgy Alannay, Lasam, Cagayan.
Base kanni SFO2 Eriberto Obispo na BFP-Lasam, alas 11:30 ta umma turi matuggi y residential building nga kukwa ni Merlita Anno.
Nepurba paga nga kuragan na yema na abbing ngamme alistu nga nawwarak y afi megafu ta nakwa laman yaw ta light materials.
Ta kabalin nga makurak y afi ay nasita da y baggi na abbing nga natuggi.
Mallawan ta imbestigasyon na BFP nga electrical short circuit y naggafanan na afi nu anni ay mahilig nga mangisaksak y natay nga abbing.
Umay ta P50,000 y nadaral kavulu y cash anna dadduma paga nga gamit paga.
Y 2nd floor laman na balay y natuggi anna ari gapa nga nadamay ta insidente y karuba da.
