Nanawagan si US President Donald Trump na magkaroon ng bagong pangulo ang Ukraine matapos ang hindi pagkakaunawaan nila ni Ukrainian President Volodymyr Zelenskyy kaugnay ng kasunduan sa suplay ng diesel mula Russia.
Pinuna ni Trump ang mga pag-atake ng Ukraine sa mga refinery ng langis ng Russia, na aniya ay nagpapataas sa presyo ng enerhiya. Binalaan din niya si Zelenskyy na itigil ang mga naturang pag-atake.
Samantala, binatikos ni Zelenskyy ang desisyon ni Trump na luwagan ang mga parusa sa pag-export ng diesel ng Russia. Ayon sa lider ng Ukraine, kasunod ng naturang hakbang ang pag-atake ng Russia sa mga gusaling residensyal sa Zaporizhzhia na ikinasawi ng 20 katao, kabilang ang tatlong bata.
Ang usapin ay naganap habang nagpapatuloy ang mga pagsisikap ng Ukraine, Europe at United States na makabuo ng panukala upang wakasan ang mahigit apat na taong digmaan sa pagitan ng Russia at Ukraine.
