TUGUEGARAO CITY-Matturunuk nga natay y appa nga baby nga agta megafu ta pulmonya ta Sitio Valley Cove, Brgy. Sta. Margarita, Baggao, Cagayan.
Kinagi ni Brgy. Chairman Norman Molina, igga ta 3 days old, 3 months old anna tangavulan gadwa y edad na natay ira.
Kinagi ni Molina nga nakaru ngana y pulmonya da turi meangay ira ta ospital yatun ta ari ngana nga naurwan.
Nabayak ngana nga mattaki y abbing ira liye da nga nelawan ta Sitio.
Namwan nga arayyu y Sitio Valley Cove nu anni manalan ira ta patangaggaw liye da nga madde y sentro na Baggao.
Ta interview kanni Dra. Zsa Zsa Meneses,nenawak na nga y pulmonya (pneumonia) ay tadday nga impeksyon ta baga nga mallattak megafu ta virus, bacteria, fungus anna gitta na mikrobyo.
Y air sacs na baga ay mapannu ta fluid o nana.
Kasabay na impeksyon y ikak,kulikug, anna mazziya nga menango.
Mapemmang y pulmonya ngamme nu nakafi y immune system, ay mangkakaru yaw.
Nu ari yaw nga makurak ay mattaki ta sepsis nu anni magali y mikrobyo ta daga na anna mewarena ta gibagyan na.
Makaali kanu y pulmonya.
Megafu taw kinagi ni Vice Mayor Joan Dunuan nga umay iiya ta lugar tapenu mamwan na y sitwasyon na agta ta valley cove tapenu meaddde na ta LGU Baggao.
Taronan gapa na barangay captain na Sta. Margarita y health worker da nga neasign ta nakagi nga lugar para makaangwa ta solusyon.
