TUGUEGARAO CITY – Boluntaryu nga nassurender ta tropa na militar y tadday nga babay nga New People’s Army (NPA) ta Kalinga.
Namwan yaw nga si Liza Tongdo Gumabay alyas “Raida”, 32 anyos, party wife na natay nga NPA leader nga si Ruben Gumabay alyas “Rashid” na Kilusang Larangan Guerilla Baggas, tadday nga local communist group nga igga ta Kalinga.
Boluntaryu kanu nga nassurender si Gumabay kanni Lt. Col. Gulliver Sineres, commanding officer na 50th Infantry Battalion, Philippine Army ta Headquarters ta Brgy. Camalog, Pinukpok, Kalinga.
Siniguru gapa ni Sineres y iyawa na nga uffun base ta Comprehensive Local Integration Program (CLIP) kanni Gumabay.
Sangaw igga ngana ta 30 miyembro nga NPA y nassurender ta 5th Infantry Division nu anni y kakarwan nira ay taga rehiyong Cordillera.
Nappabalo gapa si Major Gen Paul Atal, kumander na 5th ID assurender ni Gumabay.
