TUGUEGARAO CITY -Kinagi na makakwa na travel agency ta Kalinga nga memahug kontra bagu nga modus sangaw na scammers ira tapenu makakiddaw ta dakal nga celphone load.
Ta kinagi ni Kiano Reeves Bangal,igga nakkul niya ng nappakilala nga iya si Vice Mayor Darwin Estañero na Tabuk City, Kalinga nga mangivu nu piga y byahe nga umay ta Hongkong.
Ari iyya nadduda nga ari si vice mayor y kergo na megafu ta kaboses na anna kagitta na estilo na pagergo na opisyal nga kilala na gapa.
Habang madaggun y transaksion da,kiniddaw na suspek nga ipa-load na y duwa nga number nga neddan na ta aggi P1,000 nga insigisa na gapa kanu nga nepasa ta staff na para ito yaw kanu ngana y mal-load megafu ta igga meeting na taw ta Tuguegarao.
Nakiltu laman kanu iyya turi mattoli ta opisina nga masita na nga dakal y pagan na megafu ta load.
Nakkiddaw mangngana ta load y suspek para ta lima nga numbers ta balor nga P5,000 yatun ta taw ngana iyya nadduda.
Base sa ay apan na suspek y tiwala na biktiman na ta pangukagi nga iyangay y resibo ta opisina tapenu marefund.
Ngamme ari ngana iyya nangiddan ta load nu anni naddiretso laman kanu iyya ta opisina na vice mayor anna taw na nga namwanan nga awan tu biyahe y opisyal.
Tari gapa ay namwann na nga igga gapa tadday nga ginang nga makakwa ta sporting entity y nabiktima da gapa ta gitta na modus na suspek nu anni ay makkiddaw gapa tu P20,000 nga balor na load ta vice mayor’s office na Tabuk City.
