Posibleng tuluyang maging bagyo sa loob ng linggong ito ang binabantayang low pressure area sa timog-silangan ng Mindanao na tatawaging Bagyong “Ada”.
Si “Ada” ang magiging unang bagyo na papasok sa Philippine Area of Responsibility ngayong 2026.
Sa pagtaya ng Philippine Atmospheric, Geophysical and Astronomical Services Administration, posible itong lumakas bilang tropical depression sa Huwebes, Enero 15.
Inaasahang mananatili ito sa silangan ng Eastern Visayas hanggang Biyernes.
Pagsapit ng weekend, maaari itong manatili sa silangan ng Bicol o tumawid sa Southern Luzon, bago kumurba pa-hilagang-silangan sa Central Luzon habang nakikipagsabayan sa shear line.
-- ADVERTISEMENT --
