Tuguegarao City- Patay ang isang 9 na taong gulang na lalaki matapos magulungan ng Elf truck sa bayan ng Gattaran, Cagayan.
Sinabi ni PSMg. Rem Duruin ng PNP Gattaran, bago ang insidente, tumigil ang motorsiklo na sakay ang bata na si Rey Renie valle nmg kanyang ama matapos na tumilapon ang kanyang sombrero.
Naiwan ang bata sa tabi ng motorsiklo nang pupulutin ng ama ang sombrero nang parating naman ang truck na minaneho ni Erickson Gabatino at nabangga ang motor.
Tumilapon ang bata at sa kasamaang palad at nagulungan pa ng truck ang ulo ng bata kung saan nagkalat ang kanyang utak sa daan.
Sinabi ni Duruin na batay sa ama ng bata na nagpumilit kasi umano ang kanyang anak na sumama sa kanya sa kanyang trabaho sa Brgy. Palliagao.
Kaugnay nito, sinabi ni Duruin na nagbigay na paunang financial assistance ang driver ng truck sa pamilya ng biktima matapos ang paunang pag-uusap ng magkabilang panig.
