Bilang na natay ta landslide anna addanum ta Cagayan, nunet ngana tu lima

TUGUEGARAO CITY – Tadday paga nga baggi na tolay y narekober na otoridad ta landslide ta ili na Sta Ana, Cagayan.

Y biktima ay si Richard Perez, 23-anyos, residente ta Brgy Rapuli.

Kinagi ni PCI Saturnino Soriano, hepe na Sta Ana PNP nga narekober y biktima ta natavvunan ta fishpond ta Sitio Katiwayan.

Namwan nga ninay y biktima ta kabalukurwan nga partes na lugar tapenu manga ta uging turi November 5, tari ay maddaggun y nasikan nga uran ngamme ari iyya nga nanoli.

Sangaw ay umay ngana ta lima y natay ta landslide anna addakal na danum ta Cagayan.

Tuluy laman y clearing operation na otoridad ta landslide anna y neewarak nga batu ta nakagi nga ili.