TUGUEGARAO CITY-Patay ang isang binata matapos masangkot sa vehicular accident sa bayan ng Enrile, Cagayan.
Batay sa imbestigasyon ng pulisya, bigla umanong sumingit ang biktima na si Darwin Turingan, 19-anyos ng Brgy Roma Norte habang lulan ng kanyang tricycle sa linya ng isang sasakyan na minaneho ni Elvin John Daquioag,29-anyos.
Dahil dito, nabangga ng biktima ang sasakyan ng suspek.
Sa lakas ng pagkabangga ay tumilapon ang biktima na dahilan ng pagtamo ng sugat sa iba’t-ibang parte ng katawan.
Agad namang isinugod sa pagamutan ang biktima ngunit idineklarang dead-on-arrival ng umasikasong duktor.
-- ADVERTISEMENT --
Maswerte namang walang tinamong sugat ang suspek na ngayon ay nasa pangangalaga na ng PNP-Enrile.
