TUGHGARAO CITY-Mangoffun gapa y Bureau of Fisheries and Aquatic Resources o BFAR Region 2 nga mabbantay ta Benham Plateau nga kilala gapa ta akkul nga Benham Rise.
Maski nasakup na Region 3 y dakal nga partes na isla,kinagi ta Bombo Radyo ni Atty. Samuel Agaloos, chief na BFAR Region 2 Law Enforcement Division nga igga partes na yaw nga aranni ta Dinapigue, Isabela.
Base kanni Agaloos nga taronan laman na ahensiya y mas dakal nga barko para makalevu ta lugar y Quick Response Team o QRT na BFAR.
Matageno nga kinagi ni Defense Secretary Delfin Lorenzana nga amungan na militar y presensya da ta Benham Rise ta kabalin nga masita ta lugar y karwan nga takay pangkayan na China.
