Canadian company, nagtala ng guinness record para sa pinakamaraming sabay-sabay na nag-‘high five’ o apir

Gumawa ng bagong world record ang mga empleyado ng isang Canadian company matapos nilang makumpleto ang 509 “high fives’’ sa loob lang ng 3 minuto.

Sabay-sabay na ginawa ng mga manggagawa ng Johnston Group sa Winnipeg ang pinakamaraming high fives kasabay ng “National High Five Day” sa loob ng 3 minuto.

Ayon sa grupo ng 33 empleyado na lumahok sa world record attempt, ilang buwan silang nag-ensayo araw-araw tuwing lunch break nila.

Isusumite ng kompanya ang video ng kanilang naging world attempt at iba pang pruweba sa Guinness para opis­yal nang kilalanin ang kanilang naitalang record.

Nabatid na huling naitala ang record noong July 2017 sa London kung saan 492 beses na nag-apir ang mga naging world record holder.