Muling pinatunayan ni veteran guard Jayson Castro ang kanyang big-game experience matapos pangunahan ang TNT sa mahalagang panalo kontra Barangay Ginebra sa Game 4 ng PBA Commissioner’s Cup Finals.
Sa kabila ng kanyang edad na 39, nagpakita ng tapang at composure si Castro sa mga crucial na sandali upang tulungan ang Tropang 5G na maitabla ang serye sa 2-2.
Ayon kay coach Chot Reyes, hindi na bago sa kanila ang ganitong klaseng performance mula sa beteranong guard, lalo na sa mga finals series kung saan madalas itong umaangat sa mahahalagang laban.
Giit ng TNT coach, bagama’t pinamamahalaan nila ang playing time ni Castro sa buong season, napilitan silang mas umasa sa kanya sa Game 4 dahil sa dikit na laban sa serye.
Sa huli, umarangkada ang TNT sa opensa at depensa sa likod ng leadership ni Castro upang mapwersa ang Game 5 sa kanilang championship battle kontra Gin Kings.
