Pormal na nahalal si Senador Francis “Chiz” Escudero bilang presiding officer ng impeachment trial ni Vice President Sara Duterte matapos siyang nominado ni Senador Panfilo Lacson sa pagbubukas ng paglilitis nitong Lunes.
Bagama’t umani ng pagtutol mula kay Senate Minority Leader Alan Peter Cayetano, naaprubahan pa rin ang nominasyon ni Escudero. Hindi na bago sa senador ang naturang tungkulin dahil siya rin ang namuno sa impeachment court noong 2025 bilang Senate President.
Haharapin ni Duterte ang paglilitis kaugnay ng mga reklamong culpable violation of the Constitution, graft and corruption, betrayal of public trust, bribery, at iba pang mabibigat na krimen. Ito ang ikalawang pagkakataon na na-impeach siya ng House of Representatives matapos ideklarang labag sa Konstitusyon ng Korte Suprema ang unang Articles of Impeachment na inihain noong 2025.
