Dalawang armadong suspek ang nasawi habang isa ang malubhang nasugatan sa naganap na barilan sa pagitan ng pulisya at mga salarin sa labas ng Israeli consulate sa Istanbul.
Ayon sa ulat, tumagal ng ilang minuto ang palitan ng putok kung saan nakita ang mga pulis na kumukuha ng cover habang patuloy ang pamamaril ng mga suspek gamit ang mga baril.
Dalawang pulis din ang naiulat na nasugatan sa insidente na naganap malapit sa gusaling kinaroroonan ng konsulado sa financial district ng lungsod.
Nananatiling mahigpit ang seguridad sa lugar mula nang sumiklab ang Hamas-Israel war, at wala umanong nakatalagang Israeli diplomats sa Turkey sa kasalukuyan.
