TUGUEGARAO CITY-Nakakulong na ang dalawang kabilang sa top most wanted sa Solana,Cagayan matapos na sila ay maaresto.
Kinilala ni Police Captain Junjun Balisi, hepe ng PNP Solana ang mga naaresto na sina Nemencio Fernando,28,loader operator,residente ng Brngy.Maddarulog na number 10 sa most wanted sa municipal level dahil sa kanyang kasong rape at si Herolimo Daroni,42-anyos ng Brngy. Gadu na number 9 dahil sa kasong murder.
Sinabi ni Balisi na matagal nilang minanmanan ang dalawa bago isinagawa ang pag-aresto sa mga ito.
Ayon pa kay Balisi, si Fernando ay umuuwi umano ng gabi at umaalis ng madaling araw sa kanilang tahanan at pumupunta sa Piat habang si ay umuwi sa kanilang lugar matapos ang pagtatago sa Maynila.
Bukod sa dalawa,naaresto rin ng PNP Bambang,Nueva Vizcaya ang isa pang wanted sa Solana na si Roger Agsunod,35, may kasong frustrated murder at malicious mischief.
